Cherry Myitta Foundation

ချယ်ရီမေတ္တာဖောင်ဒေးရှင်၏ နောက်ခံသမိုင်းအကျဉ်း

( ၂၀ဝ၈)ခုနှစ်တွင် မြန်မာနိုင်ငံ ကမ်းရိုးတန်းဒေသသို့ နာဂစ်အမည်ဖြင့် သမိုင်း တင်လောက်သည့် မုန်တိုင်းတစ်ခု ဝင်ရောက် တိုက်ခိုက် ဖျက်ဆီးခဲ့ပါသည်။ ထိုမုန်တိုင်း ကြောင့် သိန်းပေါင်းများစွာသောပြည်သူများ အတိဒုက္ခရောက်ခဲ့သည်ကို မျက်ဝါးထင်ထင် မြင်တွေ့ ခဲ့ရသော ကျွန်တော်တို့သည် များစွာ စိတ်မကောင်းဖြစ်ရသည်။ ဒုက္ခရောက်နေ သောပြည်သူများကို ကူညီရန် စိတ်တူကိုယ်တူ မိတ်ဆွေရင်းများ စေတနာထက်သန်စွာဖြင့် လှူဒါန်းသော ကျပ်သိန်းပေါင်း (၁၀ဝ)ကျော်ကို မတည်၍ ရှမ်းမြောက်လူငယ် အမည်ဖြင့် လူမှုရေးအသင်းယာယီဖွဲ့ စည်းပြီး ၄င်းဒေသ (ဘိုကလေးမြို့နယ်)သို့ သွားရောက်လှူဒါန်းခဲ့ပါသည်။

ထိုသို့ဆောင်ရွက်ခဲ့သော လူမှုရေးလုပ်ငန်းအပေါ်တွင် ကျွန်တော်တို့သည်များစွာ ပီတိ ဖြစ်ခဲ့ရပြီး ဤသို့ ပရဟိတလုပ်ငန်းများကို ဆက်လက်ဆောင်ရွက်နိုင်ရန် အတွက်ကျပ် သိန်းပေါင်း (၂၀ဝ)ကျော်ကို ထပ်မံစုစည်းပြီး ၄င်းမှရရှိသော အတိုးများကို လူမှုရေးအကူအညီ လိုအပ်သော ဒေသများသို့ လှူဒါန်းမှုများကို (၂၀၁၀) ခုနှစ် အထိ ဆက်တိုက်လုပ်ဆောင်ခဲ့ကြ ပါသည်။

( ၂၀၁၁)ခုနှစ်ဇန်နဝါရီ (၁) ရက်နေ့တွင် သင်းလုံးကျွတ် အစည်းအဝေးကျင်းပပြီး ပရဟိတ လုပ်ငန်းများကို ပိုမိုထိရောက်ကျယ်ပြန့်စွာ လုပ်ဆောင်နိုင်ရန် နှင့် လူမျိုးဘာသာ၊ ဆင်းရဲ ချမ်းသာ မရွေး ပါဝင်နိုင်သောအဖွဲ့ အစည်းတစ်ခုဖွဲ့ စည်းရန် ဆုံးဖြတ်ခဲ့ပါသည်။

ထို့ကြောင့် (၂၀၁၁)ခုနှစ်တွင် ရှမ်းမြောက်လူငယ်အသင်းမှ ချယ်ရီမေတ္တာဖောင် ဒေးရှင်းအဖြစ်သို့ ဖွဲ့ စည်းခဲ့ပါသည်။ ချယ်ရီမေတ္တာဖောင်ဒေးရှင်းအဖြစ် ဖွဲ့စည်းခဲ့ပြီး ၂၀၁၂ ခုနှစ်မှ ၂၀၁၈ ခုနှစ်အထိ သွားလာရန် ခက် ခဲသော မြို့နယ်များ အပါအဝင် မြို့နယ်ပေါင်း (၁၆)မြို့နယ်တွင် စက္ခုဒါန အကြိမ်ပေါင်း (၂၆)ကြိမ် ပြုလုပ်ခဲ့ပါသည်။ ထို့ပြင် သာပေါင်းမြို့နယ် ရေဘေးကယ်ဆယ် ရေးအတွက် လှူဒါန်းမှုပြုခြင်း၊ ပန်းတနော်မြို့နယ် မြတောင်စာသင်တိုက် မြမေတ္တာ ဆေးခန်းအား စက္ခုဒါန အတွက် လှူဒါန်းမှု ပြုခြင်း၊ ဒလမြို့နယ် အ.ထ.က(၁)၊ စာသင်ကျောင်း အား စက် ရေ တွင်း ရေစင်လှူဒါန်းမှုပြုခြင်း၊ သိန္နီမြို့ အင်(န်)ဟဲင်းမိုင် လူမှုကူညီရေး အသင်းအား လူနာ တင်ယာဉ် လှူဒါန်းမှုပြုခြင်း၊ လားရှိုး မြို့နယ် သီလရှင်ကျောင်း မြင့်မြတ်သစ္စာ လူမှု ကူညီရေးအသင်းအား လှူဒါန်းမှုပြုခြင်း၊ လှိုင်သာယာမြို့နယ် အောင်ဘုန်းတော်ကြီးသင် စာသင်ကျောင်းအား လှူဒါန်းမှုပြုခြင်း နှင့် ပုဇွန်တောင် မြို့နယ် စက်ဆန်းဂိုဒေါင်ပေါက်ကွဲ မီးလောင်မှုအား လှူဒါန်းမှုပြုခြင်း၊ စစ်ကိုင်းမြို့ ၊ သီတဂူ ကမ္ဘာ့ဗုဒ္ဓတက္ကသိုလ် အတွက် လှူဒါန်းမှုပြုခြင်း၊ လားရှိုးမြို့တွင် စစ်ဘေးရှောင် ဒုက္ခသည် များအား လှူဒါန်းမှုပြုခြင်း၊ ရွှေရတု တိပိဋက စက္ခုပါလ မျက်စိဆေးရုံအတွက် လှူဒါန်းမှုပြုခြင်း၊ ကောလင်းမြို့နယ်၊ ကန့်ဘလူမြိ်ု့နယ်၊ မိုးညိုမြို့နယ်၊ ပွင့်ဖြူမြို့နယ်၊ လေးမျက်နှာမြို့နယ်၊ ကျောင်းကုန်းမြို့နယ်၊ သန်လျင်မြို့နယ် သဘာဝတရားရိပ်သာတွင် အဝတ်အစားနှင့် စားသောက်ဖွယ် ရာများလှူဒါန်းခြင်း၊ ဘီလင်းမြို့နယ် ရေဘေးကယ်ဆယ်ရေး နှင့် ပြန်လည် ထူထောင်ရေး အတွက် လှူဒါန်းမှုပြုခြင်း၊ ကျောက္ကာကျေးရွာ မီးဘေးအလှူဒါနပြုခြင်း၊ နေပြည်တော် လူမှုဝန်ထမ်း ကယ်ဆယ် ရေး နှင့် ပြန်လည်နေရာချထားရေး ဝန်ကြီးဌာနသို့ အလှူငွေလှူဒါန်းခြင်း၊ ရန်ကုန်တိုင်း ဒေသကြီးအစိုးရ အဖွဲ့သို့ အလှူငွေလှူဒါန်းခြင်း၊ ချင်းပြည်နယ်၊ တီးတိန်မြို့နယ်၊ လိုင်ဘုန်ကျေးရွာ ရေဘေးပြန်လည် ထူထောင်ရေးအဖြစ် အိမ်ခြေ(၅၉)လုံး လှူဒါန်းခြင်း စသည့် ပရဟိတ လူမှုရေး လုပ်ငန်းများကို တကြွ်ကစွာ ဆောင်ရွက်ခဲ့ပါသည်။

ချယ်ရီမေတ္တာဖောင်ဒေးရှင်းအနေဖြင့် ငွေပဒေသာပင်စိုက်ထူခြင်း၊ ပညာရေးအလှူဒါန အတွက် မတည်ငွေများ ထူထောင်၍ ပညာရေးကဏ္ဍများတွင်လည်း လုပ်ငန်းစီမံချက်များ ချမှတ်ကာ စနစ်တကျ စီစဉ်ဆောင်ရွက်လျက်ရှိပါသည်။

ချယ်ရီမေတ္တာဖောင်ဒေးရှင်း၏ ပညာရေးအလှူဒါန ပထမဆုံးခြေလှမ်းအဖြစ် ပန်းတနော် မြို့နယ် တာပါတ်ကလေးကျေးရွာတွင် အခြေခံပညာမူလတန်းကျောင်း(၁)ကျောင်း ဆောက်လုပ်လှူဒါန်း ခဲ့ပြီး ကျောက်ပန်းတောင်းမြို့နယ် တောင်ပေါ်ဗလုံကျေးရွာတွင် (၁)ကျောင်း ဆောက်လုပ်လှူဒါန်းခဲ့ပါ သည်။ သထုံမြို့နယ် သောင်ကြီးကျေးရွာတွင် (၁)ဆောင်၊ ဘီးလင်းမြို့နယ် မြောက်သူဌေးကုန်းကျေးရွာတွင် (၁)ဆောင်၊ တိုက်ကြီးမြို့နယ် ပန်းဆွဲကျေးရွာတွင် (၁)ဆောင် ဆောက်လုပ်လှုဒါန်းခဲ့ပါသည်။ ယခုအခါ ချင်းပြည်နယ် တီးတိန်မြို့နယ် ဗန်းတဲ ကျေးရွာတွင် (၁)ဆောင် ဆောက်လုပ်ဆဲဖြစ်ပြီး ဟင်္သာမြို့နယ် ကွက်သစ် ၁/၂ ကျေးရွာတွင် (၁)ဆောင်၊ လပွတ္တာမြို့နယ် ချောင်းသာယာ ကျေးရွာတွင် (၁)ဆောင် နှင့် ပိတောက်ကုန်း ကျေးရွာတွင် (၁)ဆောင် ဆောက်လုပ်လှုဒါန်းနိုင်ရန် ပြင်ဆင်လျှက်ရှိပါသည်။

ပညာရေးနှင့်ပတ်သက်၍ ကျောင်းသင်ထောက်ကူပစ္စည်း လိုအပ်ချက်ရှိသော ကျောင်းများတွင်လည်း သင်ထောက်ကူပစ္စည်းများ လှူဒါန်းပေးခဲ့ပါသည်။ ဘီးလင်းမြို့နယ် ရေဘေး ပြန်လည်ထူထောင်ရေးအဖြစ် နတ်ကြီးကျေးရွာအဝင်လမ်းကို ကွန်ကရစ်လမ်းအဖြစ် ပြုပြင်ပေးခြင်း ဆောင်ရွက်ခဲ့ပြီး ရေတိုက်စား၍ ပျက်စီးသွားသော မဲလံခေါင်းကြိုးတံတားကို အသစ်ပြန်လည် ဆောက် လုပ်လှူဒါန်းပေးခဲ့ပါသည်။